自己既家﹖

一年啦﹐唔經唔覺又一年。。。
距離上次update blog既時間都有差唔多一年
呢段時間裡面﹐好多野都改變左
年紀啦﹐性格啦﹐好多好多既身外物啦。。。(哈哈)
更加多左個自己既屋企啦。。。

不過呢個屋企﹐係咪真係有預期中咁理想呢
我開始問自己﹐好似有好多野同我預期中都唔同。
開始既時候﹐覺得真係好好﹐自己既地方﹐做咩就做咩
冇人會話我唔洗碗﹐真係累既時候有D野可以唔做就唔做
兩個禮拜之後﹐開始有D改變諗法
今日好累﹐返到屋企都仲係一個人都冇既時候
果個感覺真係前所未有既空虛
雖然ronny都依舊地叫我﹐要食物﹐要玩﹐要陪...
不過﹐原來一個冇人等自己既屋企﹐係比一個有個煩厭既人係屋企等自己既屋企黎得可怕
再者﹐我對呢個屋企期望﹐係希望我同老婆可以過返以前既生活咁
不過﹐到呢兩個禮拜我就發現
過左就係過左﹐大家需要既﹐都已經唔同左
有好多野﹐好似同以前都冇分別﹐不過
唔知呢...感覺係就算訓係身邊﹐中間都好隔膜咁
呢D係咪真係叫同床異夢呢
可能係我俾唔到佢想要既野佢囉
不過﹐我亦唔見得得到我想要既野
係咪結婚兩三年都會係咁呢
係咪真係要好似之前講笑咁做
離返婚﹐做返男女朋友仲好...(苦笑)
老實講﹐到呢一刻﹐我對呢間屋既期望
一樣都未實現過﹐希望再過一段時間會有好轉啦