香港俗語來源 part 1

今日見到一D我地平日講開既廣東話既來源
都幾特別
想同大家分享一下
如果大家中意
我會嘗試搵多D嫁~~

"單料同煲"
因為單料的銅煲導熱性能強﹐一滾就熟﹔形容濫交既女人一同陌生人說上幾句就非常熟了。

"巴閉"
巴閉係來自廣州話，好耐好耐以前係學習自印度話，漢朝嘅時候廣洲已經同東南亞及中東等國家人民做生意，啲印度商人好鬼嘈，成日叫： “BAPRE,BAPRE！”，呢句嘅意思系“我的天呀！”，於是廣州人就學佢地咁講，講下講下就變成今日嘅"巴閉"。

"混吉"
原來係因為以前嘅小型飯店，只要你去幫襯就會免費奉送一碗清湯，飯店每日所售嘅雞鴨鵝豬牛肉，都係用呢一鍋水整熟既，所以湯入面有肉味，然 後落一堆味精，就係一碗清湯啦！因為係清湯，所以入面乜料都冇，即係空空如也，香港人覺得“空”等於“凶”，所以就改成“吉”，所以碗湯就叫做“吉水”。 當時，有好多窮人，入到飯店，一坐低，夥記就拎一碗“吉水”嚟，啲窮人一口氣飲完，靜雞雞就走咗去，因為呢碗湯係免費，所以飯店唔可以告佢地食霸王餐，所以夥記就叫 呢種混騙嘅行為叫做 "混吉"

"大耳窿"
原來開阜初，香港洋人印（度）人大集會，呢啲"摩囉差"戴白頭巾，所以人人都叫佢地做"白頭摩囉"﹐而放貴利嘅多數就係呢D"白頭摩囉"，"白頭摩囉"扮相古 怪，愛戴一隻大如銅元既耳環，所以耳朵要穿個耳洞，港人覺得可憎，稱佢哋為“大耳窿”。不過，都仲有另一個說法，就係當時放貴利，都係放小額款項如三幾毫紙俾勞苦大 眾，為左等人哋知到佢哋有錢借，就將一個銀元塞喺耳仔嘅耳窿，作為記號，等人認得。

"一蚊雞"
原來我地所講嘅"一蚊雞"﹐ 係同風月場所扯上關係；話說去塘西召妓，初步手續係要先寫一張"花紙"，而格式亦有一定，先寫自己名號（以幾多自稱），中間寫妓女名字，最後一行寫妓院名稱。 寫好之後，便交由酒樓雜役帶去妓院，那些阿姑接到"花紙"，便應召"出局"。妓女每次局票收一元，而省港人士向來稱妓女為"雞"，既然一元召得一"雞"， 後來就索性稱一元做"一蚊雞"。順帶一提，這一元只是陪酒談笑而已，屬“體面上”的手續，如果飲客要有更進一步的行動，係要花更多更多既錢，而呢"一蚊雞"只係開始o者。

"捉黃腳雞"
呢個搞笑俗語係出自廣東既農村。農民養雞， 專養雌雞而唔中意養雄雞，因為雌雞可以生雞蛋，所以價錢不錯。所以如果要拜神，當然先揀雄雞黎拜啦，但係要點捉雄雞呢？佢地諗到一個方法﹐就係首先將谷撒在門外，D雞就會"雞咁腳"嚟食 D谷，當班雌雞食緊谷嘅時候，班雄雞就"色心起"﹐懶得去食谷，一撲就撲上雌雞背上交配......呢個時候，就係捉雄雞既最好時候，而呢D色中餓雞亦疏於防 範，俾農民捉住佢地D雞腳，而雄雞的雙腳呈深蛋黃色，而雌雞就係淺黃色，所以很容易辨認！"捉黃腳雞"一詞就係咁樣黎嫁喇，認真十分到肉~~

"朱義盛"
話說1824年o係佛山，果度有個叫朱義盛既人o係"筷子路"開設“朱義盛號”店鋪，佢發明左用紫銅渡金，制成金 飾，而且手工好好，同真野差唔多，買唔起真金的人，就黎幫襯朱義盛，後來呢位朱義盛到左廣州開店，當時好多鄉下佬，落 到黎廣洲亂咁洗錢，D錢洗晒先記得要買金飾俾老婆，最後咁梗係去幫櫬"朱義盛號"啦，居然可以瞞天過海，所以生意十分好，分店開左十幾間，當時員工竟然有成九千人咁多！因此"朱義盛"就漸漸變成"假野"的代名詞

"放飛機"
話說舊時o係香港﹐有一日就黎要上演首次飛機飛行。係香港有史以黎第一次有飛機睇喎﹐仲要係部水上飛機添﹐全香港萬眾期待：有人要放飛機睇啊！點知第一日因為打風，冇得睇，眾人失望而歸；第二日，天朗氣清， 各人都以為有嘢睇啦，點知個飛機師就病咗，要推到第三日。而第三日呢，部飛機個引擎出故障，修理唔到。跟住就梗係——bye bye喇！所以啲人就開始用"放飛機"嚟形容講咗 話做，又做唔到喇~

資料來自文學城 www.wenxuecity.com